Plurŝargado

Ĉiam instalu Vindozon unue

Vindozo ne malkovras aliajn operaciumojn kaj ne havas praŝargan menuon. Ĉe sia instalado ĝi superskribas la praŝargan ordon kaj la komputilo tiam praŝargas tuj Vindozon.

Linukso Minto (kaj plej multe da Linuksaj distribuaĵoj) malkovras aliajn operaciumojn kaj konstruas menuon, el kiu vi povas elekti la praŝargotan sistemon.

Tial, se vi deziras elekti inter Vindozon kaj ion alian, estas pli facile kaj rekomendite instali unue Vindozon antaŭ ol instali Linukson Minton.

Riparu la praŝargan ordon

Se Vindozo superskribas la praŝargan ordon:

  1. Startigu Linukson Minton laŭ prova-seanco-reĝimo (per via USB-bastoneto aŭ lumdisko).
  2. Malfermu terminalfenestron.
  3. Por listigo de la subdiskoj, tajpu lsblk -f.
_images/lsblkf.png

Serĉu la subdiskon, sur kiu Linukso Minto estas instalita. Ĉe plejparto de la sistemoj ĉi tio devus esti la sola ext4-subdisko.

En supra ekrankopio:

  • sdb estas la USB-bastoneto (rekonebla per ties iso9660-tipo, kiu respondas al ISO-bildo).
  • sda estas la fiksita disko.
  • sda4 estas la subdisko sur la sda-fiksita disko, kie Linukso Minto estas instalita.

Por listigo de la subdiskaj grandoj, tajpu lsblk:

_images/lsblk.png

Por listigo de subdiskaj etikedoj, tajpu blkid:

_images/blkid.png
  1. Surmetu la Linukso-Minto-subdiskon kaj reinstalu la grub-menuon per jenaj komandoj:
sudo mount /dev/sda4 /mnt
sudo grub-install --root-directory=/mnt /dev/sda

Warning

En la supraj komandoj, anstataŭigu /dev/sda4 kaj /dev/sda per la taŭgaj nomoj de la Linukso-Minto-subdisko kaj la fiksita-disko-aparato.