Installar Linux Mint

Le session vivente

Quando tu face le boot del computator ab le clave USB (o DVD), Linux Mint initia un session extemporanee. Illo te connecte automaticamente como un usator appellate mint e te monstra un scriptorio con le installator sur illo:

_images/cinnamon.png

Le session extemporanee de Linux Mint

Le session extemporanee es similabile a un normal session (id es Linux Mint jam permanentemente installate sur le computator), ma con le sequente exceptiones:

  • Le session extemporanee es plus lente (illo es cargate ab un clave USB o un DVD contra un SSD o HDD).
  • Le modificationes que tu face in le session extemporanee non es permanente. Illos non es scribite al clave USB (o DVD) e illos non influentia le systema installate per le installator.
  • Alcun applicationes functiona differentemente (o non functiona del toto) in le session extemporanee (Timeshift, Flatpak, Update Manager, Welcome Screen..etc).

Hint

Le nomine de usator pro le session extemporanee es mint. Si rogate pro un contrasigno pulsa Enter.

Installation de Linux Mint sur le computator

Pro installar permanentemente Linux Mint sur tu computator:

  1. Clicca duple Installar Linux Mint.
  2. Elige tu lingua.
_images/installer-language.png
  1. Connecte te a Internet.
_images/installer-internet.png
  1. Si tu es connexe a Internet, marca le buxo pro installar le codecs multimedial.
_images/installer-codecs.png
  1. Elige un typo de installation.
_images/installer-install.png

Si Linux Mint es le sol systema operative que tu desira facer fluer sur iste computator e tote le datos pote esser perdite sur le disco dur, elige Erase disk and install Linux Mint.

Warning

Encrypt the new Linux Mint installation for security se refere al cryptographia de tote le disco. A iste grado del installation tu disposition de claviero non es ancora seligite, assi illo es configurate a en_US. Si tu decide de usar iste option, tene lo ben in mente quando tu inserera tu contrasigno. Nota que il ha problemas per iste option e alcun drivers NVIDIA. Si tu es novicio de Linux usa in vice le cryptographia del plica home (tu lo potera eliger postea, durante le installation).

Si un altere systema operative es presente sur le computator, le installator te monstra un option pro installar Linux Mint insimul al illo. Si tu selige iste option, le installator automaticamente re-dimensiona le partition existente de tu systema operative, procura spatio e installa Linux Mint a latere de illo. Un menu de boot es configurate pro eliger inter le duo systemas operative cata vice que tu initia tu computator.

Note

Si tu desira gerer le partitiones o specificar qual partitiones usar, elige Something else.

_images/installer-partitions.png

Linux Mint require de montar un partition sur le directorio radical /.

Le systema operative Linux Mint (sin additional software o datos personal) prende circa 15GB, assi da a iste partition un dimension conveniente (100GB o plus de).

ext4 es recommendate. Illo es le systema de files plus in voga de Linux.

_images/installer-partition.png

Crea alsi un partition de intercambio (swap). Iste partition es usate pro hibernation e como un tampon de securitate in caso tu computator flue foras de RAM. Da a iste partition un dimension equal al quantitate del RAM in tu computator.

  1. Elige tu fuso horari
_images/installer-timezone.png
  1. Elige tu disposition de claviero
_images/installer-keyboard.png
  1. Insere tu detalios de usator
_images/installer-user.png

Tu nomine pote esser tu real nomine, ma illo non es necesse. Illo es solmente usate localmente, in le salva schermo e sur le schermo de apertura de session.

Tu nomine de usator es illo que tu usara pro te authenticar, e tu nomine del hospite es le nomine de tu computator sur le rete.

Pro prevenir defectos usa solmente litteras minuscule, sin punctuation o accentuation.

Pro proteger tu datos personal contra attaccos local (personas circum te, o in caso que tu computator es robate), marca Encrypt my home folder. Cifra mi plica Home.

Elige un contrasigno forte.

  1. Gusta le presentation de diapositivas durante que Linux Mint es installate sur tu computator.
_images/installer-slideshow.png

Quando le installation es finite, clicca Restart Now.

_images/installer-finished.png

Le computator alora initiara a arrestar se e te querera de remover le disco USB (o DVD). Al re-initio, tu computator debe monstrar te un menu de boot o poner in marcha tu systema operative Linux Mint a pena installate.