Elige le juste edition

Tu pote discargar Linux Mint ex le Sito web de Linux Mint.

Lege in basso pro seliger qual edition e architectura es juste pro te.

Cinnamon, MATE o Xfce?

Linux Mint veni in 3 differente sapores, cata monstrante un distincte ambiente de scriptorio.

Cinnamon Le scriptorio le plus moderne, innovative e functional.
MATE Un scriptorio plus stabile e plus veloce
Xfce Le plus leger e stabile

Le version le plus popular de Linux Mint es le edition de Cinnamon. Cinnamon es primarimente disveloppate pro e per Linux Mint. Illo es efficiente, belle, e ric de nove functionalitate.

_images/cinnamon.png

Cinnamon

Linux Mint alsi collabora al disveloppamento de MATE, un classic ambiente de scriptorio que es le continuation de GNOME 2, le scriptorio standard de Linux Mint inter le 2006 e le 2011. Ben que illo manca de qualque functionalitate e su disveloppamento es plus lente quam illo de Cinnamon, MATE flue plus rapide, usa minus ressources e es plus stabile quam Cinnamon.

_images/mate.png

MATE

Xfce es un ambiente de scriptorio leger. Illo non supporta tante functionalitates como Cinnamon o MATE, ma il es extrememente stabile e multo leve sur le uso de ressources.

_images/xfce.png

Xfce

Naturalmente, tote le tres scriptorios es grande e Linux Mint es extrememente fer de cata edition. Ben que il ha plus de functionalitate e melior supporto in alcun editiones quam alteros, e uno face fluer plus veloce e usa minus ressources quam alteres, illos es totos grande alternatives e per le election del juste edition es largemente un question de gusto.

Ultra que pro su functionalitates e performance, Cinnamon, MATE e Xfce alsi representa tres distincte ambientes de scriptorio, con differente menus, differente pannellos e utensiles de configuration. Illo juste un pro te es le uno ubi tu te senti a casa.

Si tu non es secur de qual scriptorio eliger initia per le edition Cinnamon. Prova los tote, eventualmente, quando tu ha le tempore. Tote le tres de illos ha lor proprie audientia in le collectivitate de Linux Mint e illos es tote multo popular.

32-bits o 64-bits?

64-bits es recommendate.

Le imagines ISO 32-bits es providite per compatibilitate pro vetere computatores. Le processores a 32-bits es extrememente rar in iste tempore e le major parte de computatores es capace a fluer in 64-bits. Si tu computator ha essite producite post le 2007, tu probabilemente ha un processor a 64-bit.

Si tu ha un vetule computator e tu es insecur si annon illo pote fluer in 64-bits, lege Chronologia del X86.

Tip

Tu pote provar a facer le boot de Linux Mint a 64-bits sur tu computator. Si illo non es compatibile, nihil de mal occurrera. Tu justo obtenera un message de error.